分類: Uncategorized

係一個滿分嘅童話故事，合格嘅電影
主要係靠特效同結衣bb carry
結衣bb癲到 out focus緊嘅鏡頭都交緊戲 甚至搶咗戲
三個男小演員都交到合格貨
其中主角一樹造型好似菅田將暉
個風格感覺上都有啲似抄佢近年嘅演法
希望佢將來可以搵到自己嘅風格
至於女小演員演技係一流
但係就同成套戲格格不入
如果有睇「我推」就應該明
佢就係果種大個之後好難好紅起嘅天才童星

劇情方面非常大路
簡單直接
除咗有少少拖戲
節奏尚算唔錯
幾啱小朋友睇

最後聽到首歌
再係出片尾見到星野源個名
嬲咗 sor

部分好睇嘅日本電影
一貫日本電影嘅弊病
節奏過於緩慢冗長
而且要好熟悉過去十年日本流行文化先會有共鳴
否則會變成男女主角口中冇感覺嘅人(笑)

男女主角方面
有村架純真係好可愛
每一個畫面都拍得佢好靚
至於菅田將暉前期形象幾好
後面唔知係咪專登
造形好醜樣
差啲以為唔同咗人

#劇透 #以下內容劇透
最好睇嘅地方當然係分手果幕
導演將成個節奏分鏡都處理得好好
慢慢帶男女主角同觀眾進入分手氣氛
然後又慢慢帶去不捨
最後整喊你
係內心心痛果種喊
其實從男女主角嘅獨白就知
佢地從一開始就並非如佢地所想般合襯

最初愛上你
係因為我們相似
後來的你漸行漸遠
最後因為生活及責任將你變了樣
我們就彼此不相愛了
開始就是結束的開始

那朵花叫…
我說因為不想你見到那朵花就想起我
是說謊
因為那朵花象徵離別

音樂其實有分雙聲道
左右耳機的聲音並不一樣
所以其實大家不是在聽同一首歌

屌你
有村架純出軌你都唔知
擺個靚女係屋企幾個月都冇sex
枉為男人
抵俾社長戴綠帽

頂，新一年第一部戲就中大伏，超級爛片一套
首先作為音樂劇可以配樂同部戲完全唔match
其實拆返開啲配樂係OK，但係同劇情節奏同啲舞都唔夾
其次選角好有問題
女主角啲高音好剌耳，一近鏡就唔好睇
當然燈光師好大責任，好多shot 打燈都崩壞咗
男主係撲克面得一個表情，獨唱OK，合唱搞唔掂

字幕都唔知佢係懶定係故意 (個人傾向前者)
西班牙文全部都唔譯
係就係可以令觀眾更加代入到白人果邊嘅感受
但係可唔可以係啲重要嘅劇情對話(尤其是波人之間對話)譯一譯
套戲已經難入戲，仲要花時間估佢講咩

唯一值得一睇係警局段歌舞
有意義得嚟，唱得好跳得好又有層次
另外女黑人配角演出同唱歌都係一絕

#劇透 #以下內容劇透
劇情真係由頭尷尬到尾
特別係男女主嘅戀情，完全冇代入感，零醞釀
男女主嘅表情又帶唔到觀眾入戲

劇情穿插混亂甚至打亂觀眾情緒
難得因為兩個死人觀眾開始入到戲有緊張感
頂你 轉個畫面去女主跳開心舞
果個開心舞擺前啲去描寫下女主人物性格仲好
擺係尾段唔知為乜
人物出入場境又係亂咁嚟冇邏輯
最後整個黑人抬棺係咩玩法
不過又因為咁，劇情細節走向又真係估你唔到
唔太老套

套戲爛到我諗唔到MK語錄做總結
就咁

首先一定要鬧爆個剪接
完全拖低套戲既質素
突兀無美感
節奏亂L哂
一開頭睇真係睇到一頭霧緒
以為自己睇緊cult 片
中後期又突然好正常(絕對唔係好，只係合格)
好似唔夠錢趕交貨咁
真係好擔心日本動漫嘅未來
畫面方面絕對係一流水準
細節位睇得出有心思設計
啲成本就係洗哂係到
真係好細緻好吹毛求疵
反而主角唱歌完全夾唔到嘴形
音樂方面肯定係洗腦好聽
但係幾首歌曲風旋律實在太似
只能係中上水準

超鍾意慎仔同弘香
人設仲有趣過主角
配音又帶到氣氛
幫套戲加返好多分
講真
好耐冇睇一套戲睇到喊
呢套睇到淚水泡泡忍住唔流出蒞
一去到同老豆msg就喊咗

你以為套野講家人咩?講講下又唔係
唔通係自信?似啲又唔似啲
仲唔係網絡議題? 到喉唔到肺
青澀愛情?突然間又有反轉，原來估錯哂
其實咩都有講啲，又咩都冇講到
有時真係唔洗諗太多
佢只係描寫一個小女生的青春期煩惱
that’s it

每個人心中都有一朵秘密玫瑰
請容許我地保留一點裁種的空間

縱使只有自己一個人努力
縱使每個人都當我是笨蛋
我都要繼續遠征
總有一日
會有人為我應援

網絡上的你是一個全新的你
是另一面的你
亦是同一個你
在網絡世界掀起風暴的你
也是可以改變真實世界的你

數碼暴龍 Last Evolution 絆

相信隱藏正名係 最後的童年
相信大家唔入場都會估到哂劇情大致走向
不過大家睇既都唔係內容
係回憶

循例講講劇情以外既質素
講真如果冇數碼暴龍做包裝
完全係唔合格
連我對畫質冇乜要求都見到好多畫面崩壞
光影處理完成唔乎合現今科技水平
一係曝曬光一係暗到睇唔到
某部分致敬位重現以前風格都算
DLLM 我入場係為咗高質素畫面
如果係咁不如我買碟自己係屋企煲

去到劇情發展係超多犯駁位
完全唔啱邏輯
場境轉換亦都唔流暢

好喇 踩完到讚
以下嚴重劇透
為咗滿足各階層粉絲
製作團隊真係落足心思加致敬位
好幾個公認黑歷史唔應該存在既人物
（講緊你呀 tri )
都有嘗試搵位擺入去
細心留意的話01-02由tv版到劇場版既人都有
唯一係冇究極體
我等到頸都長就係唔俾我睇究極體
最後俾我睇兩隻極核突既新究極體
還我戰鬥暴龍獸
另一個等好耐都唔出既係呀空同比丘獸
仲以為佢會改變主意
然後英雄式登場
點知講句我相信你哋就算
不過到最後明咗點解
真係好sad
仲sad過太一大和
不愧係八個入面最早熟果個…

套戲話我哋長大成人就會失去無限可能
其實我不認同
係呀
呢套野係講成長
即使我哋係被選中嘅細路
我哋終有一日會成長做大人
即使我哋幾唔願意
可笑既係身邊嘅人卻以為我哋與眾不同
其實我哋同平常人一樣
受到現實壓迫
太一要去上堂煩畢業論文
落堂仲要去打工
大和處於夢想同工作抉擇之中
依依不捨放下已久既音樂
我哋大家都知
有啲野冇變
而係我哋變咗
以前我哋樂於冒險勇往直前
而家因為害怕失去猶豫不決
然後沉淪在過往的回憶當中
我哋都明白失去既痛苦
所以唔願意去面對
但係咁先係真正嘅成長
來吹響屬於我哋嘅哨子聲喇
成長，然後寫下新嘅冒險篇章

化作輕快飛舞的蝶　乘上閃亮的風
現在立刻　就要去與你相會
多餘的事情　還是忘掉會好一點
已經沒有　可以揮霍的時間
WOW WOW～　會來到這片天空吧？
但是呢 WOW WOW～　連明天的預定也不清楚啊
在無限大的夢想背後　空蕩無物的世間裡
雖然連戀慕與思念　都好像會被擊敗一樣
即使是總給人停滯印象的　不可靠翅膀
也必定能飛起來吧　Oh My Love

戰鬥吧

明天，我哋…

P.S. 掛住光叔