不專業影評 x 港產片 x 廣東話
個人覺得係一個中規中矩嘅電影
冇風評所講咁突出
但都不失為一部好電影
用類似緣路山旮旯嘅手法
以章節分段跳轉主角不同時期
集小小幽默、小小熱血、小小感動於一身
相信所有出生於香港嘅美斯，甚至普通凡人都會有共鳴
因為呢到係懲罰追夢人嘅地方
演員方面
鍾雪瑩不負眾望地carry
配角們都唔差，每一位都有記憶點
除咗呀冰繼續做自己
講起呀冰，唔知係咪我臉盲
鍾雪瑩留長髮果陣個氣質好似呀冰
#劇透 #以下內容劇透
我地曾經以為追夢好簡單
以為努力做好自己就可以
為自己每一個小進步高興
但隨著同伴逐一因不同的理由被迫/自願放棄
得返自己奮鬥
身邊的人由支持變成不理解
一個接一個的欺騙或不賞識
曾經一度以為自己成功
最後因為不可抗因素又再失敗告於
到突然發現自己原來冇呢個天賦
先至識得放棄
呢到係一個會懲罰夢想嘅地方
種瓜不會得瓜
因為成功並不需要你嘅天賦同努力
需要嘅係人脈同社會對整個範疇嘅重視
好鍾意學校學生會阻礙演出果段
可以無理地不給予你機會
甚至連你嘅天賦同努力都不被看見就被否決，不被尊重
正如FreeRider 充滿熱情、使社會進步
都可以突然被封鎖、否定
填詞魂
主唱 Vocal：謝雅兒 Tse Nga Yi
填詞 Lyricist：黃綺琳 Norris Wong
作曲 Song Writer：謝雅兒 Tse Nga Yi
監製 Producers ：謝雅兒 Tse Nga Yi /王建威 Wong Kin Wai
編曲 Arranger：王建威 Wong Kin Wai
當天你我放肆做夢 靠熱情
得不得到掌聲還是盡興
曾真心喜愛不遺餘力
誰叫我太執拗或好勝
最後沉迷到錯過風景
難得我耗光一世努力才放棄
曾花過力氣不過未令人銘記
夢碎不需透過萬人集氣
慢慢轉身別離
能爽快結束需要豁達和勇氣
誰保證熱血可兌換動人結尾
白費幾多感情白費幾多志氣
就怪當初你我太入戲
筆尖通宵表演埋藏伏線
還天天跟你瘋狂磨練
迷信我有天賦被看見
努力成就我最暖一天
呢部電影最大嘅敗筆係夾雜太多商業因素
各種品牌硬性推銷
明星s生硬加入
雖然導演已經嘗試將商業利益同劇情本身平衡得好好
但係仍然掩蓋唔住各單位強行插手嘅痕跡
對比上一集嘅純粹
今集係多咗啲銅臭味
加上今集後製表現不合格
配音甩嘴 剪接偶有瑕疵
令今集扣唔少分
五個主演繼續carry
發揮超班
最頂癮係stephy 居然著套醜衫都著得好靚 CLS
更值得一讚嘅係Jeffrey
演出有驚喜
同stephy 對手果場戲好感人又好搞笑
只不過有啲鏡頭強行攝佢入去
搞到成件事錯哂
當然
一定要繼續讚下今集貼地
啲笑話有時老套有時好緊貼時代
最緊要有共鳴 陰啲陰啲咁引你笑
唔單單係用對白金句做punchline
隱瞞唔係一個選項
婚姻係要你信我 我信你
要𤓓一齊𤓓
婚姻係夢想
婚禮係硬仗
The show must go on
When the show is end
留低嘅人多或少唔重要
因為你知道佢哋都係你真正嘅家人親友
我哋唔需要理人哋點睇
我哋只需要知道我哋點睇我哋自己
說了再見
便會再見
我會話係一部僅僅合格嘅港產片
劇情有潛力，但整套劇拍得好鬆散
人物、情節、背景全部都唔立體
關鍵情節/背景僅靠人物對話輕輕帶過
基本上係靠楊偲泳carry 先帶起咗一個角色鮮明啲
其餘都過於輕描淡寫
可能導演唔想平鋪直敍
但係都冇理由撻個人名出嚟、兩個過場就入回憶架嘛
觀眾都未搞清楚啲人物關係
咁你不如直接順序講故喇
基本上主題都明顯係講過去兩個豔星故事嘅
亦都吸引到我想去了解多啲
但係衰啲講
一般大專生/YouTuber 都可能拍得好啲
成功地將一套寫實法庭劇變成一套冇咁悶嘅電影
導演用咗大量唔同嘅剪接、燈光、運鏡
刺激觀眾感官
將複雜、沉悶嘅議題變得生動
甚至覺得係拍攝手法展覽
幾乎用盡導演畢生所學一樣
有好多盤問畫面
盤問寫實不浮誇同時又畫面豐富
最鍾意蘇玉華攞住可樂走入法庭/幻想情境交替果場
不過同時都令成件事 unreal
不知係好事定壞事
另一方面每一位演員都好強勁
每一個solo鏡頭都好有張力
吸住觀眾目光
幾鍾意三個律師庭上敵對
庭後友好嘅畫面
另外好欣賞佢陪審團嘅處理
將觀眾帶入埋陪審團一樣
從陪審團思考香港司法制度乃至社會風氣
用通俗易明嘅方式幫觀眾提問、反駁、質疑最常對陪審團嘅疑問
又同時展現香港司法嘅局限
當然仲有暗諷香港警察嘅陰暗面
係一部好好睇好好笑有少少深度嘅電影
其實已經睇完兩日
但係仲消化緊套電影想表達嘅訊息
好似有好多嘢想講俾觀眾知
又好似可以有好多唔同嘅解讀
不過睇戲之前建議睇一睇trailer
更加有助你了解劇中人物背景同觀賞部電影
幾鍾意呢個marketing 安排
又可以慳返啲時間唔洗係電影入面交代太多悶嘢
首先讚下啲演員先
主要出鏡有6個
除咗子華神，每一個都好出色
好有做喜劇潛質
每一個都可以搵到一個超水準發揮嘅一幕
尤其是林明禎係天台送禮果幕特別驚喜
估唔到佢做得咁好
另一個係王苑之
每一個鏡頭都可以見到啲細微小動作大大加深咗佢個角色
例如坐低食飯果陣會捉一捉陳湛文隻手之類
反而子華神冇乜亮眼表現
似乎仲係流於用金句留印象
但係啲金句好似有啲老土
可能係角色需要?
氣氛節奏方面導演掌握得好好
由搞笑到緊張轉認真又到返搞笑
轉得流暢不突兀
我認為歸功於運鏡
睇得出每個場景都諗過度過
係一個好窄小嘅單調嘅空間都影到好靚
笑位方面其實唔係啲令人印象深刻嘅笑話
但係就會令係開懷大笑笑足全場
因為有共鳴
都係大家日常會發生嘅場景
又唔係特別誇張咁演繹
最常見就係立flag 轉個頭就打臉
#劇透 #以下內容劇透
特別想講有兩個笑位
勾義嫂同whatsapp 分手 (pk?)
香港愈來愈多文盲同唔識用標點符號(笑)
寫到呢到就覺得特別難寫
首先佢好似講緊親情、愛情、婚姻
佢地三兄弟三對情侶其實各自面對唔同嘅問題
三佬最易理解
就係愛情與麵包
所以王苑之成日都提張愛玲
當大家都以為三佬事業有成喇愛情終於開花結果
編劇又嚟個反串
王苑之突然又現實咗務實咗
因為佢搵到自己
二佬嘅愛情好簡單
就係全力爭取
但係佢係個家入面迷失自己
佢覺得自己唔係一份子
但礙於身份束縛
佢覺得有啲嘢「應份」
所以成個人都好似好虛假咁
最後大佬
經常勉強自己
冇嘢 其實有嘢 但會令自己冇嘢
要令全屋人開心但從來冇諗自己開唔開心
看似長情 三年冇新對象
堅持唔賣樓
一開始我諗唔明點解
其實冇交代過任何確實原因 得所謂「樓在爐在老豆在」
後來明白原來只係佢自己嘅固執
唔願意走出confort zone
嚟到呢到就係我自己嘅過度解讀
係咪想講移民呢?
個家開始出現矛盾問題
大家有出走嘅意願
但係某啲人唔捨得唔願意唔敢走
二佬有身份認同問題
子華神同鄧麗欣嘅關係 (中港關係)
道不清說不明
剪不斷理還亂
最後都希望大家
打開門 走出去 走遠啲
唔好再淨係迷戀樓下嘅沙嗲牛麵
會唔會有啲關係
又唔係親情又唔係愛情又唔係友情
講唔到唔代表唔存在
小本輕鬆小品
懷疑最大經費係交通費
岑珈其做毒撚做得幾好
女角方面蘇麗珊睇到好出劇
相對地hanna就真係做到女神feel
梁雍婷唔知係角色設計問題定演技問題
幾個劇情轉折跳太快
完全跟唔到個變化
好難捉摸個角色係點
而余香凝就輕鬆carry
夠自然 要青澀有青澀
要扮嬲有扮嬲
要麻甩夠麻甩
三劍俠兄弟互動係例牌好睇
btw 外賣仔app是mvp
靠佢帶動輕鬆情節
另外要讚一讚配樂
揀歌揀得好好
好match
夠本地（對呢部戲好重要）
#劇透 #以下內容劇透
雖然話輕鬆小品
內裡都隱含好多情感表達
首先佢唔係一部簡單毒撚媾女日記
而係香港本地記錄片
關於媾女同毒撚情感刻畫唔多
反而佢係借媾女為名
帶觀眾欣賞香港最邊緣嘅地方
一開始沙頭角下白泥都唔太覺
係大澳隱晦地講下香港人嘅價值觀
去到荔枝窩
導演嘅目的開始出
影著最靚嘅風土人情
再去到介紹澄碧邨
講幾百年嘅風光史同兩個業主嘅故事（明就明）
唔可以漏茶果嶺村嘅待遇（對比其他新界村）
你就知導演對香港有幾深嘅感情
講講兩年前（原2021年上映）太子
講講原來兩個fd一個bno一個移民
珈其成為留低嘅人
就覺得佢想為香港留低一個記錄
可悲嘅係
香港電影要變得如此隱晦
首先要知女仔諗咩
之後要知自己要咩
最後做返自己
搵個同自己相處最舒服嘅人
不論好與壞都應該要睇睇
作為香港電影里程碑
佢最需要嘅係關注度
可以讚可以彈
有人關注就可以推下一個階段
期待下次挑戰太空戰
既然係以特技做賣點就先論特技
基本上效果做得好好
可以同荷里活啲二三線有得揮
一路睇一路諗起太平洋戰爭
動作戰鬥場面做得好好
特別喜歡戰械人車戰果幕
分鏡處理一流
加上少少港產動作片元素
成功融合
第二喜歡係至敬美國隊長
機設上雖然唔錯
但我個人覺得欠大膽
想做出高科技水平
但係武器想像力仲係停留係現實水平
同埋如果可以出巨神兵就好了
另外係咪應該俾返個名啲機械人
戲份咁重 個個都要提佢
嗌個型號都不為過呀
呢個都只係其中一個出事位
細節決定成敗
仲有好幾個細節令呢套戲上唔到一流水準
意外地出事嘅犯駁位都係文戲
#劇透 #以下內容劇透
例如古天樂嘅旁述
好出戲又尷
世界背景交代得麻麻
份詞可能中學生寫得仲好
為咗帶出古天樂嘅鐵漢柔情
強行帶出盼盼
屌 成間醫院廢咗咁耐
仲可以死淨個細路女等你救？
前線同高層矛盾不必要
而且好牽強
就算以前啲警匪片都唔會咁present喇
張家輝同劉嘉玲嘅扮cool真係好尷
唔知係咪學日本啲顏藝
作戰流程嘅指揮又係好尷
口令不一
作戰角色定位撈埋哂一齊
睇唔出係專業軍事部隊
更加唔好提情節合理性
唯有當係異世界文化
最尷係
可唔可以搵返啲後生嘅做前線
搵啲五六十歲老人做真係搞唔掂
佢哋又唔係tom cruise果啲做起咗個特技朵嘅人
不過劉青雲同姜皓文救起哂啲文戲
好值得攞mvp
做嘅嘢表情語氣都符合人設
該型嘅地方型得啱啱好
該搞笑嘅位帶得到氣氛
唔會多到尷
係有啲中二病對白稍稍拖累
總體嚟講
合格有餘
期待有下一集
我敢講係呢年嚟最貼地嘅電影
貼地
真正嘅「獅子山下故事」
講真成套戲除咗演員同戲本都冇咩好讚或彈
剪接燈光美術中規中矩不過不失
勝在吳君如 gigi locker真係帶到觀眾入戲
sor Edan 真係好令人出戲
不過佢做喜劇係有潛則
鄭中基就做返自己
最抵讚係編劇
笑點擺位剛剛好
爛gag唔算新鮮 不過夠好笑
當然都要歸功於鄭中基演繹
冇佢搞唔掂
唯一係呀倫個笑話冇返咁上下年紀真係唔明
好鍾意臨尾同古天樂果個擺明係ng 嘅臨場發揮
好即興又有趣
#劇透 #以下內容劇透
表面上佢係一個賣辣椒醬嘅故事
實際上就係一個普通香港家庭呢兩年經歷嘅事
一家人為咗層樓為咗生計
一齊打拼一齊捱
一齊陷入低谷
一邊計較又一邊不捨離開
最後係小店可以話係對香港人嘅寄語
老一輩曾經試過 而家唔願再試
呢一輩試過衰咗 都要堅持試
甚至搵埋孫仔試
可能人哋會話我哋九唔搭八
都要繼續試
總有人肯出包出腸支持
好似古天樂出錢出力支持「小店」一樣
BTW 最後加插咗全片最大笑話
應該係趁上唔到映果排再加的
必睇！！！
未怕罡風吹散了熱愛
萬水千山總是情
聚散也有天注定
不怨天不怨命
但求有山水共作證
點走啫
呢到我屋企
去到我想落樓食碗魚蛋粉都唔得
畫面真係好靚好治癒
楊偲泳係學生中女都carry到
好cute好靚
反而呀談🙈演技上係好carry
但係好多鏡頭都掩飾唔到佢嘅老態
做學生真係唔得
另外呢部戲節奏好慢
今時今日應該好多人都覺得悶死
我都覺得廢話太多
其實可以完全唔洗呀談旁述
俾觀眾自己理解仲好
李芯悅俾咗好多機會李詠藍
但係佢永遠都冇好好珍惜
反而一次又一次傷害佢
因為自私同無膽而卻步
所以佢哋永遠都係好朋友
其實每次都係李詠藍主動挑釁
然後縮沙
