絕對係值得一睇
甚至係有能力衝擊奧斯卡嘅電影
造型方面係落足心機
向眾多經典電影致敬
由港產動作、matrix 到transformer 都有
過足戲癮
相信觀眾睇得開心，製作團隊都玩得開心
我特別喜歡配樂
選得剛剛好
唔止配合到劇情發展，仲係負責帶動氣氛
另外不得不說選角選得好好
一家三口都有足夠嘅發揮空間
而且三個都有好好咁把握
然後將角色昇華
非常立體
楊紫瓊更加係將佢幾十年嘅影視生涯做一個總結
唯一可惜係Waymond唔係由成龍做
只能夠造型上致敬
佢電影上嘅神緒冇做到出嚟
不過關繼威係文戲上做得好遠超成龍(成龍向來文戲麻麻:) )
算係俾觀眾另一種觀影感受
呢套電影充滿好多港產片元素
仲有滿滿嘅廣東話
加上近年都有唔少港人(幕前幕後)衝出國際
證明香港絕對有能力做到呢個質素嘅電影
只係唔知差啲咩將佢地揉合埋一齊
#劇透 #以下內容劇透
首先要知道套劇係講緊一個典型嘅華人家庭係外國嘅生活
種種嘅不適應，種種嘅文化衝擊
仲有根深柢固嘅家庭觀念束縛
一開始就話你知套劇、個世界、女主角都係好Chaos
而且經常發呆 (好重要) 又唔聽人講嘢
只係活係自己嘅世界
充滿失敗
總係覺得自己當年做錯所有選擇
What if….
我地經常會諗
結局又會唔會唔同呢
會唔會變成另一個成功嘅自己
但係到最後發現原來一切都係隨機亂數
It just doesn’t matter
Human is just a piece of shit
There are only few moment meaningful
yes but
即使係最無用最on9嘅宇宙都有few moment meaningful
都有值得珍惜嘅地方
我會話咁多個宇宙一切嘅情節都係 Evelyn 發呆嘅時候幻想出嚟
所以先會有咁多不合理又on9情節
所以先會遊走眾多宇宙之間又以最開始果個為主
所以先會經常發呆
所以先會有一個man爆嘅waymond
當然多重宇宙情節的確有發生呢個解讀都make sense
呢啲就自行解讀喇
好高興完場之後聽到有觀眾話：「好耐冇睇完電影之後會思考。」
BTW 最鍾意石頭果個scene
好大膽
好有黑色幽默
隔離一路睇一路笑
我就差啲睇到喊
There is always something to love.
Even in a stupid, stupid universe where we have hot dogs for fingers,
we get very good with our feet
Every new discovery is just a reminder
We’re all small and stupid.
Every rejection, every disappointment has led you to this moment.
Don’t let anything distract you from it.
You could be anything, anywhere.